#في_حياة_بيوت_المسلمين.
نسيت أقول لكم شيء عايز أقوله من فترة، يمكن يفاجئكم حبتين:
ممكن الأزواج يحبوا بعض عادي جدًّا، لأ وعادي يحترموا بعض كمان.
يحبوا بعض الحب اللي هو البتاع المعروف ده، ويحترموا بعض الاحترام إياه.
ناس كتيرة جربت الكلام ده، ومخسروش أي شيء، لأ وبيقولوا الحياة بتبقى ألطف.
وبيتكلموا كمان إن بالهم اتصلح أكتر، وقال إيه قدروا يتعاونوا على أمور دينهم ودنياهم.
بس اللي فاجئني بجد؛ بيقولوا العيال كبرت عندها انتماء أسري، وتشوهاتهم النفسية قليلة جدًّا.
وعمومًا احنا اتجرب فينا كل شيء، نجرب ده مرة واحدة، لو طلع هري نرجع نبهدل بعض تاني.